"" أنا مش هاتوب "" .......................................... بقلمي ........ معوض حلمي منشأة بطاش تمي الأمديد دقهلية................

طباعة ونشر وتوزيع ، ظهور إعلامي ، ورش أدبية

قالولي توب .. 

وادعي ربك
يغفر ذنوبك ..
قلت المحبه
ف شرع ربي
مش ذنوب ..
لو تعرفوا
سر المحبه
وسحرها
جوا القلوب ..
المحبه ف قلبي
طارحه ..
ورود وفرحه ..
ونسمة سارحه ..
إزاي اتوب ..
لو قالوا مره
الشمس نسيت
وطلعت م الغروب ..
أنا مش هاتوب ..
لو حبي ليكي
سموه ذنوب ..

اشترك بالعدد الجديد من مجلة القلم الورقية للتواصل والاستعلام / 0020102376153 واتساب

هاحبك أكتر
وأكيد هاكتر
م الذنوب ..
ومش هاتوب
مهما يلوموني ..
وعن عيونك
يبعدوني ..
ويسألوا
عني يلاقوني ..
راسم تفاصيلك
ف كوني ..
سهران عشانك
مانامت عيوني ..
مدي إيدك
طمني
حيرتي وظنوني ..
لو تعشقي
م البشر
مليون دوني ..
هاتلفي
ياما وتتعبي
وهترجعي ..
مشتاقه
لدفا قلبي
وشجوني ..
مشتاقة .. لدفا قلبي ..
وشجوني ..