سألت قلبي هتحب مين
رد عليه ف طرف عين
هنعيش نحب ويفرقونا
اللي حبناهم راحوا فين
الدنيا خدتهم وتوهتهم
نسيوا هواك مبقاش حيلتهم
أرجوك ياقلبي أرحمني حبه
ماتجبش ليه تاني سيرتهم
سيبك ياقلبي م اللي كان
نبطل ولا ندي الأمان
يمكن ياقلبي اللي هيجوا
يعوضونا من مر الزمان
عارفك ياقلبي طيب حنين
الجرح فيك ماكنش هين
بس ياقلبي مانستغني عنه
مسير الأيام ليك تبين
أرجوك ما تأسي
بكره ها تنسي
مع حب تاني
نديله فرصه
أن كان شارينا
هيخاف علينا
هنشوف منه
فرحة عنينا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة