المستشار أحمد سلاطين يكتب : سهرت الليل

*********

صحيت م النوم لقيت روحي بفكر فيك

أقول يمكن تكون صاحية وانادي عليك

يا مالكة كل إحساسي ونغم في الكون

عيونك ديا حراسي تناديني أقول شبيك

أنا طول ليلي متحير واقول فيه إيه

حبيبي شكله متغير وبيخبي عليا ليه

دا لسه كنت أنا وهو على شط الهوى

كتبنا بشوق قصة غرام سكن ف عنيه 

قوليلي ايه حصل خلاكي ما ترديش

دنا قلبي بقى ف حيرة صبح درويش

يا نور العين قوليلي إيه جرى أو كان

ودمع العين جري فجأة ونبضي مفيش

سهرت الليل أفكر إيه جرى في الكون

ضحك لي زماني وقابلتك ياقلب حنون

وقلت هعيش بدون أحزان ياضي العين

دنا وإنتي خلاص هنعيش منيش مجنون

لكن فجأة لقيت نورك هرب وكأنه بيسافر

بلا أسباب ولا قال ليه بيهجر قلب بيعافر

ف غمضة عين بتتغير وتنسى حبنا فجأة

قوليلي إيه جرالك وقلتي غرامنا هيسافر

بقلم أحمد سلاطين